Hii ndio ajali ya ndege binafsi aliyoipata mwigizaji huyu staa wa Hollywood

.

Hii picha alipigwa Harrison akiwa anaruka na ndege yake mwezi February 2015

Harrison Ford ni mmoja ya waigizaji ambao ni mastaa wakubwa sana duniani wa movie za Holywood,
kutokana na kufahamika kwake tukio la ajali aliyoipata limefanya vichwa vingi vya habari kwenye vyombo vya kimataifa kumzungumzia.Harrison amepata ajali ya ndege ndogo aliyokuwa akiendesha baada ya injini kupata hitilafu na ndege hiyo kuanguka katika uwanja wa gofu wa Penmar, Los Angeles Marekani.

Mtoto wa Harrison ameandika kwenye ukurasa wake wa Twitter kwamba hali ya baba yake iko poa, muda wowote anaweza akaruhusiwa kutoka Hospitali kwa kuwa amepata majeraha madogo.

Actor Harrison Ford.

Askari wa kikosi cha zimamoto Patrick Butler amesema Harrison alipata ajali ya kawaida, ana majeraha madogo japo kupona kwake ni kama bahati kwa kuwa ndege hiyo haikulipuka.

Shuhuda mmoja kwenye uwanja wa gofu amesema aliiona ndege imepoteza mwelekeo na kuyumba huku ikionekana kama ilikuwa inageuza kurudi uwanja wa ndege wa Santa Monica ilikotokea.

Umbali sio mkubwa kutoka kwenye uwanja wa Ndege wa Santa Monica na kwenye Uwanja wa Gofu ndege hiyo ilipoanguka.

Baadhi ya movies alizowahi kufanya Harrison Ford ni pamoja na ‘Enders Game‘ ya mwaka 2013 na ‘Air Force One‘