BAADA YA MUDA KIDOGO NANII AKIWA RAISI DAR USAFIRI NI HIVI

NA SWAXBZ LAYIIIIII

Nakupeleka moja kwa moja kwenye jiji la Barcelona Spain, ni jiji ambalo mpaka mwaka 2011 lilikua na watu zaidi ya milioni moja na laki sita ndani yake na sasa wanasema kuna zaidi ya watu milioni 5 ambapo ni jiji la pili kwa ukubwa kwenye nchi ya Hispania.
Unaambiwa usafiri huu wa Tram ulianza kufanya kazi kwenye mji wa Barcelona toka mwaka 1872 lakini barabara zilizokua
zikitumika na Tram za zamani zilifungwa ilipofika mwaka 1971 na nafasi yake ikachukuliwa na Mabasi pamoja na Treni za chini ya ardhi.

Hizi zilitumika Hispania kwenye miaka ya 1960 baada ya kuchukuliwa baada ya kutumika Washington Marekani

Kwenye hii picha ya juu na ya chini ni muonekano wa Tram za mwanzoni kabisa wakati Barcelona imeanza kutumia aina hii ya usafiri.

Tram hizi za juu na chini zilitumika Barcelona kwenye miaka ya 1950 na 1960.

Baada ya mapito yote hayo sasa hivi mji wa Barcelona unatumia Tram za kisasa zinazopita kwenye njia yake ya reli kama kawaida na wamezitengenezea sehemu yake iliyo na mvuto zaidi kama unavyoona kwenye picha hapa chini na barabara hiyo usafiri mwingine wowote hauruhusiwi kupita.








Usafiri mwingine unaotumika sana Barcelona ni usafiri wa Treni za chini kwa chini, yani zinapita chini ya ardhi na kusafirisha watu kwenda sehemu mbalimbali ndani ya mji, ni usafiri maarufu kwa jina la Metro.
Mfumo wa nauli kwenye Treni hizi za chini maarufu kama Metro unatumia kadi kama za ATM ambazo unaweza kulipia safari nyingi na ukifika kwenye mlango wa kuingilia kama huu hapa chini unaipitisha ile kazi kisha mlango unakuruhusu kupita kuingia kwenye kituo na kupanda Treni ya safari yako.
Haya yote niliyapata wakati nikiwa Spain na mwenyeji wangu alikua ni Mtanzania anaitwa Mganga Yahya na mke wake ambaeo wameishi Spain kwa miaka zaidi ya 15.

Kituo cha kusubiria Metro (treni za chini ya ardhi) na hiki kituo pia kiko chini ya ardhi.

Hii ni sehemu ya kutazama vituo na maelekezo ya unakokwenda, mchoro huu upo kwenye vituo vya Treni hizi pamoja na ndani ya Treni zenyewe, ukitaka kujua unaposhukia kuna taa huwa inawaka kwenye viduara vyenye majina ya vituo so inakujulisha tuko kituo gani kwa sasa na kituo kinachofata

Hapa chini nimekuwekea video inayoonyesha jinsi ya kununua Ticket, na usafiri wenyewe ulivyo.

Kumbuka hii ni chini ya ardhi, Metro huwa zinatumiwa na watu wengi sababu hakuna foleni na sasa usalama upo japo kuna wale Wanawake wa Romania wanaotajwa sana kuibia watu mifukoni ndani ya hizi Treni, ukiachia hiyo huu ni usafiri salama wa kuutumia na hamna wezi wa kukaba hata iwe usiku wa saa ngapi.